Në 24 orët e fundit janë dorëzuar vullnetarisht nga qytetarët 29 armë zjarri dhe 7 granata

Dorëzimi vulnetar i armëve vijon nga ana e qytetarëve.  Sipas Policisë  së Shtetit brenda 24 orëve të fundit janë dorëzuar 29 armë zjarri vullnetarisht nga qytetarët. Po kështu janë dorëzua dhe 2225 fushekë, 7 granata dhe 12 krehëra.

Policia e Shtetit  falemderon qytetarët për këtë bashkëpunim. Afati i dorëzmiit të armëve vullnetarisht do të jetë deri në 30 prill të këtij viti.

 Sasia e armëve të dorëzuara në secilin qark:

– Shijak, Durrës: Banorët dorëzojnë 6 armë zjarri, 4 karikatorë dhe 150 fishekë.
– Dajç-Shkodër: Dorëzohen në Komisariatin e Policisë Shkodër, nga banorët e Njësisë Administrative Dajç  8 armë zjarri dhe 640 fishekë.
– Divjakë, Fier: Janë dorëzuar në Komisariatin e Policisë Divjakë 10 armë zjarri dhe 200 fishekë luftarakë.
– Gjirokastër: Dorëzohen nga 2 banorë të zonës së Lunxhërisë edhe 2 armë zjarri e 520 fishekë.
– Librazhd, Elbasan: Tre shtetas dorëzojnë në Komisariatin e Policisë Librazhd 1 pushkë, 715 fishekë, 8 krehëra, 7 granata, 7 ndezës granatash dhe 25 m fitil detonar zjarrpërcjellës.
– Dibër: Dorëzohen dhe dy armë të tjera që mbaheshin pa leje që nga viti 1997. (J.V/Shuplaka)