Aksident në Kolonjë, lagështira në rrugë dhe shpejtësia e lartë i morën jetën drejtuesit të mjetit

Një aksident me pasojë vdekjen ka ndodhur këtë mesditë te rrethrrotullimi i Kolonjës. Mësohet se mjeti tip ‘Wolsvagen’ me targa AA831SM doli nga rruga, e për pasojë drejtuesi humbi jetën. Burime zyrtare bënë me dije se bëhet fjalë për Nuredin Selmanajn.

Ende nuk ka një shkak zyrtar të këtij aksidenti të rënde dhe pse paraprakisht njëri nga shkaqet dyshohet të jetë shpejtësia e lartë e mjetit si dhe lagështira në rrugë. Ndërkohë policia ka nisur hetimet për zbardhjen e plotë të kësaj ngjarjeje.  (E.K/SHUPLAKA)