Skuadra e Leisterit në Angli e cila u shpall kampione sezonin e shkuar këtë vit lufton për mbijetesë. Mesa duket një pjesë të fajit drejtuesit e kanë gjetur edhe te trajneri.
Pasi u raportua nga mediat anglezeze dhe më pas edhe zyrtarisht nga klubi i Leicester se kanë shkarkuar trajnerin italian Claudio Ranieri, tani drejtuesit e kampionëve në fuqi kanë nisur kërkimet për trajnerin e ri dhe janë vënë sërish pas një trajneri tjetër italian.
Sipas mediave britanike bëhet fjalë për Roberto Mancinin, që është favorit për t’u ulur në stolin e Leicesterit.
Madje edhe mediat italiane konfirmojnë një tratativë të tillë dhe “Football Italia” raporton se Mancini, që është i papunë aktualisht, është favorit për të zëvendësuar Ranierin. (E.K/SHUPLAKA)
Discussion about this post