Profesor Ilir Kaduku, ish-themelues i Partisë Demokratike shprehet se protesta e opozitës nuk do të ketë kthim pas, derisa qytetarët më në fund të arrijnë qëllimin e tyre: qeverinë teknike.
Sipas profesorit, vetëm një qeveri teknike, e përbërë nga ekspertë mund të garantojë një proces të rregullt zgjedhor.
I ftuar në “Ora News”, Kaduku tha se kjo është protesta me e madhe pas vitit 1991, pasi që nga ajo kohë nuk ka ndryshuar asgjë.
“Protestë e përmasave të mëdha, është një protestë shumë përmasore. Nuk është vetëm PD, por është një protestë e bllokut opozitar. E ndjej veten shumë të lumtur në këtë pjesëmarrje popullore sepse jam i bindur se diçka do arrihet.”, tha Kaduku.
Ndër të tjera, Kaduku përmendi edhe kanabizimin e vendit, si një tipar i qeverisë së sotme dhe sipas tij, nga kjo situatë mund të dilet vetëm përmes qeverisë teknike.
“Një qeveri e cila ka një kompleksitetin e të gjithë ideve, pra qeveri ekspertësh që të përgatisë zgjedhjet. Një qeveri e përberë nga konstitucionalistë, me njerëz që njohin fushën e legjislacionit. Pra të jetë një qeveri e shkëputur nga kjo qeveri që është sot. Ju përmendët disa faktorë, duke filluar nga ekonomia, kanabizimi i vendit. Dikur thoshin bujqësia është e gjithë popullit, sot kanabisi është i gjithë popullit.”, shtoi profesori. (D.D/Shuplaka)
