Peticioni i shoqërisë civile drejtuar politikanëve për të shpëtuar vetingun ka bërë shumë zhurmë gjatë ditëve të fundit, por kurrë më shumë se mbrëmjen e kaluar në emisionin “Të paekspozuarit” të gazetarit Ylli Rakipi.
Kjo sepse gazetari Endrit Habilaj, testoi vërtetësinë dhe seriozitetin e kësaj nisme. Këtë e bëri duke firmosur plot 10 herë me emrin e tij, në të njëjtat çadra.
Habilaj shkoi të firmosë herën e parë dhe më pas shkoi për të firmosur për herë të dytë në të njëjtat çadra. Tek rifirmosja, në çadrën e katërt, gazetari Habilaj, ngaqë nuk po e identifikonin, shënoi emrin e gazetarit Fahri Balliu.
Por as këtë radhë askush nuk e kapi “mashtrimin”. Aktivistët e shoqërisë nuk identifikuan as Habilajn, as Fahri Balliun. Kështu pas largimit, brenda çadrave mbetën 10 firmat e Habilajt për Vettingun. (D.D/Shuplaka)
Discussion about this post