Ministri i Punëve të Jashtme, Ditmir Bushati, ka reaguar pak minuta më parë për protestën e paralajmëruar të opozitës, e cila ka nisur me bllokimin e 5 akseve rrugore.
Përmes një reagimi të shkurtër në rrjetet sociale, ai shprehet se Shqipëria nuk ka nevojë për mosbindje civile, por për mosbindje ndaj politikanëve që synojnë destabilotetin e vendit.
“Shqipëria nuk ka nevojë për mosbindje civile, por mosbindje ndaj politikanëve që duan të destabilizojnë vendin, për shkak të frikës nga drejtësia!”, shkruan ministri Bushati.
Veç Bushatit, rreth një orë më parë mesazhin e tij për opozitën e dha edhe kryeministri Rama, i cili u shpreh se nuk është koha për të protestuar rrugët.
Protesta e opozitës me në krye Partinë Demokratike përfshin bllokimin rreth një orë të trafikut. Ajo është e përqëndruar në “Sheshin Shqiponja” në kryeqytet, në Elbasan, në hyrje të Lushnjes, në Kurbin, tek Rotonda e Milotit, tek Rotonda e Bradasheshit, në afërsi të Shkollës Teknologjike.
(XH.A/SHUPLAKA)
Discussion about this post