Ambasada e Britanisë së Madhe në Shqipëri, iu është bashkuar gjithashtu thirrjes së përfaqësuesve ndërkombëtarë ndaj politikës shqiptare lidhur me krizën politike në vend.
Në deklaratën e saj, Mbretëria e Bashkuar u bën thirrje partive politike që të angazhohen për pjesëmarrje të plotë në zgjedhjet e ardhshme parlamentare, duke e cilësuar “për të ardhur keq” nëse ato nuk marrin pjesë të gjitha.
Deklarate e Ambasades Britanike:
Mbretëria e Bashkuar iu bën thirrje të gjitha partive politike të angazhohen në mënyrë konstruktive për të siguruar pjesëmarrje të plotë në zgjedhjet e ardhshme. Do të ishte për të ardhur keq nëse partitë zgjedhin të mos marrin pjesë.
Votuesit shqiptarë meritojnë të kenë një proces zgjedhor që t’i garantojë mundësi sa më të gjerë zgjedhjeje. Mbretëria e Bashkuar iu bën thirrje të gjitha partive politike të garantojnë shmangien e dhunës gjatë periudhës parazgjedhore dhe gjatë vetë ditës së zgjedhjeve.
(XH.A/SHUPLAKA)
