Identifikohet i plagosuri, kush është 26-vjeçari nga Tropoja që donin “ta zhduknin nga faqja e dheut”

Zbulohet identiteti i të riut që mbeti i plagosur pasditen e sotme në kryeqytet, për shkak të një atentati me armë zjarri. 26-vjeçari quhet  Dejvis Rrustemaj. Ai është banues në kryeqytet, por me origjinë nga Tropoja.

Kjo ngjarje ka ndodhur rreth orës 18:20, në rrugën “Xhanfize Keko”, pranë Xhamisë në Kinostudio. Sipas policisë, Rrustemaj është qëlluar me armë zjarri nga një person i cili po udhëtonte në motorr së bashku me një tjetër.

Njoftimi i policisë

Më datë 04.05.2017, rreth orës 18:20, rruga “Xhanfize Keko”, pranë Xhamisë, është qëlluar me armë zjarri një shtetas, i cili është dëmtuar lehtë në këmbë dhe po merr mjekim në S.Q.U., ku ndodhet jashtë rrezikut për jetën.

Nga hetimet paraprake të kryera dyshohet se ky shtetas është qëlluar nga një shtetas i cili po udhëtonte në motorr së bashku me një shtetas tjetër.

Grupi hetimor po punon për zbardhjen e rrethanave të ngjarjes. Ndërko vijon puna për identifikimin dhe kapjen e autorëve të kësaj vepre kriminale. (D.D/Shuplaka)