Kongresmenët amerikanë shkojnë në selinë blu për takim me Bashën

Delegacioni i Kongresit Amerikan ka mbërritur në selinë blu. Kongresmenët mësohet se kanë ardhur për t’i dhënë shtysë tejkalimit të ngërçit politik në vedn pas disa negociatash të dështuara.

Delegacionin amerikan e shoqëron në selinë blu edhe ambasadori i SHBA-ve në Tiranë Donald Lu.

Negociatat mes palëvë kanë kaluar nëpër idsa faza të cilat kanë rezultuar të dështuara pasi opozita i qëndron qeverisë teknike.

Paketa McAllister nuk  solli zgjidhje dhe po ashtu tentative e presidentit Nishani nuk bëri që palët të binin dakort.

Takimi i parë është zhvilluar sot me presidentin Bujar Nishani dhe kongresmenët amerikanë ku diskutuan dhe ndanë mendime e pikëpamje mbi çështje të ndryshme si: situata politike në Shqipëri, zgjedhjet e ardhshme parlamentare, ecuria e reformës në drejtësi, rëndësia e shtetit ligjor, shqetësimi për dukurinë e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen, duke pasur parasysh që Shqipëria është vend anëtar i NATO-s dhe aleat besnik e i ngushtë i Shteteve të Bashkuara të Amerikës” –njofton zyra e shtypit e presidencës

Sic njofton zyra e Presidences në takim u vlerësua edhe roli institucional e përkushtimi i Presidentit Nishani në ndërmjetësimin e dialogut mes palëve politike në vend.
Më pas kongresmenët iu drejtuan kryesisë së Kuvendit për të zhvilluar një takim me kryetarin e Kuvendit, presidentin e zgjedhur, Ilir Meta si dhe krerë të komisioneve e përfaqësues të tjerë të parlamentit.

Takimi në kryesinë e Kuvendit zgjati rreth 45 minuta.

(M.D/Shuplaka)