Policia e Tiranës ka nisur procedimin penal për “Mjekim të pakujdesshëm” ndaj tri mjekëve të spitalit “Continental”, përfshirë mjekun që tentoi vetëvrasjen.
Ka nisur procedimi penal ndaj mjekëve: Tefik Zhurda, Jovan Kosta, Meoibus Ult.
16-vjeçarja Blerta Pepa ndërroi jetë pas mesnatës së 16 majit, për shkak të komplikacioneve të shfaqura si pasojë e anestezisë gjatë operacionit për riparimin e ligamentit. Pas vdekjes së saj, mjeku Tefik Zhurda tentoi vetëvrasjen dhe momentalisht flitet se ndodhet në koma.
Të afërm të 16-vjeçares, mes tyre babai i saj, u shprehën për mediat se vajza ndërroi jetë si pasojë e mospërgjegjësisë së mjekëve. Bardhyl Pepa rrëfeu se u kishte komunikuar mjekëve se vajza ishte alergjike ndaj disa ilaçeve.
Në reagimin për herë të parë pas ngjarjes, spitali “Continental” shprehej se vdekja e adoleshentes u shkaktua si pasojë e “Hipetermisë Maligna”, një ndër komplikacionet më të rënda që shkaktohet si pasojë e një defekti genetik.
(XH.A/SHUPLAKA)
Discussion about this post