“Nuk ke të drejtë fjale këtu se je mbi moshë”, Rama nxehet me qytetarin

Kryeministri Edi Rama, në takimin e sotëm elektoral në qytetin e Laçit, ka debatuar ashpër me një qytetar i cili kërkoi të merrte fjalën.

Mirëpo Rama akoma nuk e kishte mbaruar atë që donte të thoshte dhe ka reaguar mjaft ashpër dhe me ironi me qytetarin.

“Ça sdo dëgjoni deri më datë 25, por kini parasysh ato që ju thashë, nuk po shkojmë në stadium, më 3 qershor keni finalen e Champions Ligue, më 25 kemi raundin me bo shtet, themelet janë ngrit, tani duhet me bo dhomat. Nëse bën vaki e nuk kemi fuqinë që na duhet nuk e bëjmë dot… (Një qytetar kërkon të marrë fjalën, por Rama vazhdon)

A do më lesh të flas se je mbi moshë. Të lutem se paske ardh në ndikimin e lëndëve helmuese luftarake, jepini pak ujë se i është tharë goja. Ky është takim me të rinjtë, nuk ke të drejtë fjale këtu se je mbi moshë. O Tur jepi ujë se iu ka tharë buza. Ai është komplet… ka ardh nga çadra. Demorkatët i shpëtuam por s’i shëruam”, e mbyll Rama këtë episode me qytetarin, i cili nuk arriti ta merrte fjalën.

Ndërkohë, përmes batutash u ka kërkuar laçianëve që ta votojnë.

“Të gjithë çunat e laçit janë shofera pa marrë patentën, kështu është qeveria nëse ne nuk e kemi timonin në dorë, me kë bashkëpunojmë i takon së nesërmes. Mos shifni partinë por vetëm interesin tuaj, shihni kush jua bën punën.

Ne tani kemi një problem, por nuk heqim dorë nga kjo, nuk jut hemi kaloni klasën po se merituat. Ne nuk ju themi na votoni ne dhe ju japim kopjen në maturën shtetërore, s’ju themi na votoni ne e ju bëjmë jurist. Ka jurist këtu? Nuk e ngrejnë dorën më juristat se u vjen zor.”, tha Rama. (D.D/Shuplaka)