Profesori i filozofisë, Përparim Kabo, ka reaguar në lidhje me rezultatin e PD në zgjedhje dhe ka kritikuar Lulzim Bashën.
Kabo i ka numëruar atij sukseset por edhe dështimet në fushat ku Basha ka pasur poste kyçe, por në fund e ka quajtur një humbës të madh i cili u është shmangur proceseve gjyqësore.
Ai i kujton edhe këshillën që i kishte bërë publikisht Bashës pas fitores që ai arriti në 2011 për kryetar bashkie përballë Edi Ramës.
Profesori thotë se ajo fitore e paqenë e futi atë në një histori të rreme dhe Basha nuk e dëgjoi këshillën e tij kur i kishte thënë se ata që e ngritën do ta rrëzonin keqas një ditë. Sipas Kabos nuk ka lider pa fituar beteja.
Në fund ai e këshillon Bashën që tani të mendojë me mendje të ftohtë për atë që do të bëjë në mënyrë që të paktën të mos humbë dinjitetin.
SHKRIMI I PLOTË:
Një histori me kontraste të fuqishme dhe një fund…Zoti Lulëzim Basha e nisi me Rrugën e Kombit një investim tejet serioz në të gjithë drejtimet por po atje KLSH e paditi për abuzime që u mbyllën në Gjykatën e Lartë jo me gjykim në themel, por me marifet të procedurës dhe çështja mbeti pezull(një nga argumentet që ia thanë Bashës ata që e shpunë te marrëveshja e 18 majit)…në Ministrinë e Jashtëme kontribove për pranimin në NATO…por realizove marrëveshjen e detit që u hodh poshtë nga Gjykata Kushtetuese…Në Ministrinë e Brendëshme…realizove lëvizjen pa viza por në atë dikaster në drejtim t’ndodhi 21 janari…me katër viktima…Të gjitha proceset gjyqësore i ka humbur…Humbe me General Electric në anullimin e hekurudhes me tren elektrik Tirane-Durres-Rinas dhe paguam 10 milion $…penalitet, prishe mbikalimin te Zogu i Zi dhe e humbi çeshtjen në Gjykatën Kushtetuese…Marrëveshja për detin e humbët në Gjykatën Kushtetuese…shtyt me procedurë vetëm atë të rrugës së kombit…edhe çështja e 21 janarit është humbur deri në Strasburg…Dhe ju zoti Basha thoshit jam Jurist…jeni se mohoj, por jeni një humbës i madh….Kur fituat zgjedhjet bashkiake në atë mënyrë të paligjshme dhe shemtuar… ju shkruajta një letër të hapur dhe Ju paralajmërova se një ditë ata që po ju ngrenë do t’Ju rrëzojnë keqas…duhet ta kishe dëgjuar atë këshillë…! Ajo fitore e paqene ju futi në një histori të reme…! Leader pa beteja të fituara nuk ka…tani mendo e bëj atë që duhet por me mendje të ftohtë…se paku mos humb dinjitetin!
(B.H/Shuplaka)
Discussion about this post