Ishin duke punuar në një pusetë në Shkodër, humb jetën punëtori, një tjetër në gjendje të rëndë

Një ngjarje e rëndë ka ndodhur sot në Shkodër, në afërsi të Kolegjit turk. Tre punonjës të Komunales, të cilët ishin duke punuar në një pusetë kanë rënë në kontakt me rrymën elektrike, e për pasojë njëri prej tyre ka ndërruar jetë dhe dy të tjerët janë plagosur lehtë.

Viktima është identifikuar shtetasi Klodos Çeliku, 35 vjeç, ndërsa dy të plagosurit janë Gjon Gjoni, 58 vjeç dhe Maliq Selja, 24 vjeç

Paraprakisht mësohet se tre punonjësit gjatë punës kanë hasur një tel korrenti të zhveshur. Ndërkohë, ende nuk dihen rrethanat e ngjarjes, ndërsa policia ndodhet në vendin ku ndodhi aksidenti. Sakaq, punonjësit e lënduar janë transportuar për kontroll drejt spitalit të Shkodrës.