Demiraj fitoi gjyqin, Kodheli nuk dorëzohet: Do ta çoj çështjen në Gjykatën e Lartë

Nuk ka të sosur betetja ligjore mes dy ministrave Kodheli dhe Demiraj. Ministrja e Mbrojtjes,  Kodheli nuk ka ndërmend të bëjë hapa pas pas vendimit të Apelit për të rikthyer në punë kolonel Dritan Demirajn, sot ministër teknik i Brendshëm.

Në një njoftim të kësaj ministrie thuhet se Kodheli do ta çojë çështjen në Gjykatën e Lartë, sapo të marrë të zbardhur vendimin e Apelit.

“Gjykata Administrative e shkallës së parë i ka dhënë të drejtë Ministrisë së Mbrojtjes për vendimin që ka marrë për largimin nga FA të kolonelit në lirim Dritan Demiraj.

Gjykata e Apelit vendosi dje të pranojë  padinë e kolonelit në lirim. Në këto kushte, mënjëherë sapo të njihemi me vendimin e gjykatës të zbardhur, Ministria e Mbrojtjes do të ushtrojë rekurs përpara gjykatës së lartë”, thuhet në njoftimin e Ministrisë së Mbrojtjes.

(E.K/SHUPLAKA)