Policia në Shkodër në bashkëpunim me me Prokurorinë për Krimet e Rënda Tiranë, ka goditur një grup criminal që shfrytëzonte femra të mitura për prostitucion.
Arrestimi është bërë i mundur pas një hetimi disa mujor gjatë të cilit policia ka dokumentuar veprimtarinë kriminale.
DETAJET E POLICISË:
Me datë 27.07.2017 nga efektivet e Sektorit për Hetimin e Narkotikëve dhe Trafiqeve në bashkëpunim me Prokurorinë për Krimet e Rënda Tiranë, u finalizua me sukses operacioni i koduar “Last time”. Pas një hetimi të mirëfilltë policor disa mujor me metoda speciale u bë e mundur dokumentimi ligjor dhe goditja e një grupi kriminal në qytetin e Shkodrës, i cili shfrytëzonte për prostitucion femra të mitura. Si rezultat i punës hetimore u bë e mundur arrestimi i shtetasve: Lumturie K. 43 vjeçe, banuese në lagjen Bacahllek, Shkodër, e dyshuar se ka kryer veprën penale “Shfrytëzim Prostitucioni” parashikuar nga neni 114 i Kodit Penal. Lekë C. 38 vjeç, banues në fshatin Pulaj Velipojë, i dyshuar se ka kryer veprën penale “Ushtrim Prostitucioni” parashikuar nga neni 113 i Kodit Penal. U bë ndalimi i shtetasit: Juli Z. ( alias Ylli), 40 vjeç, banues në fshatin Shkjeze, Vau Dejës, i dyshuar se ka kryer veprën penale, “Trafikim i të miturve e mbetur në tentative” dhe “Shfrytëzim prostitucioni me të mitur” parashikuar nga nenet 128/b-22 dhe 114/2 të Kodit Penal. Gjithashtu procedohet në gjëndje të lirë për veprën penale ” Shfrytëzim prostitucioni me të miture kryer në bashkëpunim” parashikuar nga neni 114/2 e 25 i Kodit Penal , ndaj shtetasit: P. S. 47 vjeç, banues në Rranxa, Vau Dejës. Materialet proceduriale i kaluan për ndjekje Prokurorisë për Krimet e Rënda Tiranë. (B.H/Shuplaka)
