Pasi u parandalua trafikimi i armëve luftarake nga Aeroporti i Rinasit, në drejtim të Londrës, policia ka bërë identifikimin dhe arrestimin e njërit prej autorëve.
Në prangat e policisë ka rënë një 32-vjeçar nga Shijaku, i dënuar më parë për trafik droge. Sipas policisë në momentin e arrestimit në Durrës, atij i është gjetur e fshehur në trup edhe një pako me hashash “çokollatë”, me peshë 220 gramë.
Burime zyrtare të Policisë së Shtetit thanë dje se arrestimi i të dyshuarit Saimir Çullhaj dhe shpallja në kërkim e bashkëpunëtorit të tij, N.F. 47 vjeç, u arrit gjatë operacionit antitrafik të koduar, “Delivery”.
Si ra në gjyrmët e autorëve policia
Grupi hetimor sekuestroi kamerat e sigurisë së kësaj agjencie, DHL-së të cilat u verifikuan në kohë rekord, duke ndihmuar në identifikimin e autorëve.
Por, nga ana tjetër, nga analizimi i gjurmëve të gishtave, në pako, por edhe në pjesët e armëve të mbështjella me qese që ndodheshin brenda kutive, solli rezultate pozitive, që u përputhën më pas me personat që shfaqeshin në kamerat e sigurisë.
DETAJE:
“Në vijim të punës për zbardhjen e tentativës për trafik ndërkombëtar të armëve luftarake nëpërmjet Rinasit, nga Seksioni për Trafiqet e Paligjshme në Policinë e Tiranës, në bashkëpunim me Policinë e Durrësit, Drejtorinë për Narkotikët dhe Trafiqet në Policinë e Shtetit, si dhe me Prokurorinë për Krimet e Rënda, u bë i mundur finalizimi i operacionit antitrafik i koduar ‘Delivery’ për veprën penale ‘trafikim i armëve dhe municionit. (J.V/Shuplaka)
Discussion about this post