Sipas ish-futbollistit të njohur të Vllaznisë, Hysen Zmijani, skuadra e këtij sezoni futbollistik do të jetë konkurruese, pasi ka kryer një merkato cilësore. Në një prononcim për “Panorama Sport”, ai është shprehur se Vllaznia e këtij vii është një skuadër cilësore dhe se lojtarëtb e afruar kanë vlerat e duhura për të përballuar sezonin.
Ai tha gjithashtu se nuk e çon ndërmend se Vllaznia e këtij sezoni do të luajë për mbijetesë.
“Mund të them se është ndërtuar një skuadër cilësore. Lojtarët e afruar kanë vlerat e duhura për të përballuar me sukses një sezon të gjatë. Nisur nga kjo, së bashku me lojtarët aktualë kam besim se është ndërtuar një ekip kompetitiv për sezonin e ri.
Gjithashtu nuk e mendoj, madje as s’e çoj nëpër mend se mund të jetë edhe në këtë sezon Vllaznia e vitit të shkuar që luftoi për të siguruar mbijetesën. Jam optimist se gjithçka do të jetë më ndryshe këtë sezon. Nuk mund të parashikoj se në çfarë vendi mund të renditet në fund të sezonit, por jam i bindur se nuk do të ketë objektiv garën për të mbijetuar”, ka thënë fillimisht Zmijani.
Kujtojë që sezonin e kaluar Vllaznia e siguroi qëndrimin në superiore në ndeshjen e fundit ndaj Tiranës e mbyllur në barazim 0-0.
(B.H/Shuplaka)
