Një ditë pas miratimit të Parlamentit dhe emërimit kryeministër, Ramush Haradinaj falenderon të gjithë, ata që e kanë votuar dhe ata që nuk e kanë votuar për postin e ri. Kjo sipas tij është thelbi i demokracisë.
Kujtojmë se dje Kuvendi i Kosovës ka votuar me 62 vota pro Ramush Haradinajn për kryeministër të Kosovës.
Menjëherë pas votimit në sheshin “Skënderbeu” në Prishtinë kanë nisur menjëherë festimet. Votimi i Haradinajt për kryeministër erdhi pas negociatave të vështira të koalicionit PAN dhe AKR-së, por edhe Listës Serbe e cila do të ketë 3 ministri në qeverinë e kryesuar nga Haradinaj.
REAGIMI I HARADINAJT
Të dashur qytetarë të Republikës së Kosovës,
Dje mora besimin për të udhëhequr Qeverinë e vendit në mandatin katërvjeçar.
I falëndëroj të gjithë ata që më besuan, por edhe ata që votuan kundër, sepse ky është thelbi i demokracisë.
Zotohem para jush qytetarë të dashur, se do të jem në shërbimin tuaj e të shtetit, dhe do të punoj me krejt qenien time për mirëqenien e përgjithshme të shoqërisë kosovare.
Qeveria që do ta drejtoj, do të jetë qeveri e të gjithë qytetarëve të Kosovës, pa dallim etnie, besimi, përkatësie politike apo ideologjie, dhe do të jetë më e gatshme se asnjëherë më parë që të bashkëpunojë ngusht më opozitën parlamentare, shoqërinë civile dhe median.
Menjëherë pas marrjes së besimit për ta udhëhequr Qeverinë e vendit, kam pranuar mijëra urime nga qytetarë, simpatizantë të AAK-së e të partive të tjera, nga diplomatë e përfaqësues shtetesh, nga të cilët ndër të parët ishin, Kryeministri Edi Rama, Presidenti Ilir Meta, dhe Senatori Eliot Engel!
Një falënderim i përzemërt për të gjithë ata!
Nisja e re për Kosovën bëhet, vetëm duke qenë të bashkuar, e me besim në njëri tjetrin! (D.D/Shuplaka)
Discussion about this post