Prej javësh imami Elvis Naçi është vendosur në qendër të polemikave të rrjeteve sociale për shkak një video që është bërë virale, ku mes fjalëve ai shprehej se gratë duhet të mbajnë veten në mënyrë që burrat të mos i tradhëtojnë.
I ftuar në ‘’Pasdite në Top Channel” përballë të tjerë personazheve ai ka dhënë sqarimet e tij në lidhje me rastin, duke u shprehur se video është prerë dhe nëse shihet deri në fund, ai tregon se të njëjtin kumtim ka mbajtur dhe për meshkujt.
Mes eksperiencave personale, mendimeve, studimeve dhe kundërshtimeve Dasara Karaiskaj, Marin Orhanasi, Alda Bida dhe Gëzim Tushi, krijuan një panel vërtetë mjaft të debatueshëm.
“Ne si predikues na takon të japim modelin më të mirë. Esencialisht kam dashur të them që një bashkëshort dhe bashkëshorte duhet të mos bëhen monotonë për njërti-tjetrin. U jam drejtuar edhe meshkujve që të pastrohen dhe të rregullohen jo vetëm jashtë por edhe kur kthehen në shtëpi. Ta joshin njëri-tjetrin sa kanë mundësi.
Po humbi joshja, ajo familje është në rrezik divorci. Kriteri bazë është që gruaja të mundohet të jetë sa më shumë joshëse. Por meshkujt kanë kritere të ndryshme. Jam sulmuar për atë që thashë lidhur me peshën 150 kilogramë të femrës, por e kam thënë në mënyrë metaforike sepse unë s’kam parë 150 kg femër. Kjo është nxjerrje nga konteksti ne flasim në tërësinë e vet”, u shpreh Naçi ndër të tjera.
“Pastërtia, bukuria vlen dhe për mashkullin dhe për femrën. Tradhtia është një nga mëktet më të mëdha. Mos lejoni që marrëdhenia të shkojë drejt tradhtisë. E kam thënë për të dy. Ne s’kemi studime kush tradhtion më shumë unë mendoj se s’ka dallim. Tradhojnë të dy”, vijoi më tej imami.
Sa i përket pyetjes se a kishin tradhëtuar të pranishmit bërë nga moderatorja Jonida Shehu imami Naçi u shpreh ‘’jo”.
“Nëse është pyetja për tradhti, jo. Por sipas fesë islame, mëkat është vetëm ajo që bën dhe ajo që mendon. Dy gjëra e mbajnë afatgjatë një martesë: çift i hapur. Sepse kështu kuptojnë më shumë njëri-tjetrin”, u përgjigj Elisi.
E sigurisht që kjo është një temë që përherë ka hapur dhe do të hap debat, sa kohë që përfshihen dhe ligjërimet me konotacion fetarë. Për më shumë ndiqni videon e plotë të emisionit.
(E.K/SHUPLAKA)
Discussion about this post