Aksident tragjik, humbin jetën dy të rinj shqiptarë në Itali, një tjetër në gjendje të rëndë

Një aksident  tragjik ka ndodhur  në Itali pasi ka humbur jetën dy të rinj nga Kosova. Ndërsa një tjetër është në gjendje të rëndë. 

Sipas mediave italiane aksidenti ka ndodhur në rrugën Siena-Bettolle në zonën Casetta, afërsi të komunës Castelnuovo Berardenga.

Viktimat janë të moshës 21 e 22 vjeç kanë vdekur, ndërsa i treti është plagosur dhe është në rrezik për jetën.

Vetura është përplasur me ndarësen e rrugës duke e kapërcyer atë dhe është rrokullisur me një shpejtësi mjaft të lartë për dhjetëra metra.

Tre të rinjtë nga Kosova ishin punëtorë. Ngjarja ka ndodhur rreth orës 6 të mëngjesit ndërsa po shkonin në punë, përcjell albinfo.ch. (J.V/Shuplaka)