Jeta i ka buzëqeshur edhe këtij këngëtari. Fjalën e kemi për Salvador Sobral, fituesi i edicionit të fundit të “Eurovison” i cili vuante me problemet me zemrën.
Tashmë Salvador Sobral ka një zemër të re. Këngëtari portugez, fituesi i edicionit të fundit të “Eurovison”, i cili prej muajsh ishte në pritje të një dhuruesi tashmë mund të jetojë si gjithë të tjerët.
Gjendja e tij u rëdnua në shtator dhe ai rrezikonte jetën pasi po priste dhuruesin e zemrës. Transplanti u krye në spitalin e “Lisbona Santa Cruz”, në Portugali. Sipas mediave portugeze ndërhyrja ka përfunduar me sukses dhe këngëtari është në gjendje të mirë shëndetësore. Një prej mjekëve të spitalit, ku u krye transplanti tha se 27-vjecari ka nevojë për një kohë të gjatë rehabilitimi. Ai tha se Salvador Sobral do të qëndrojë larg skenës për një kohë të gjatë pasi nuk është gati të performojë live.
Kujtojmë që gjatë performancës së tij në skenën e Eurovision në muajin maj të këtij viti, këngëtari tregoi për gjendjen e tij shëndetësore dhe ne në qoftë se nuk kryente një transplant zemre do të largohej nga kjo botë. (J.V/Faxwweb)
Discussion about this post