Gjyste Vulaj është një nga këngëtaret që ka vite në skenën muzikore. Ditën e sotme këngëtarja e njohur ka qenë e ftuar në emisionin ‘Rudina’ ku ka folur për jetën e saj.
Në fillim të emisionit ajo është pyetur nga moderatorja Rudina Magjistari dhe për dy koncertet që ndodhën së fundmi në Tiranë dhe në këtë moment Gjyste ka treguar se në fakt Rita ka përdorur në këngën e saj muzikën që ka krijuar bashkëshorti i saj Sokol Vula.
Sipas saj pjesën e muzikës së valles së Rugovës që ka përdorur Rita në këngën e saj ‘Black Widow’ është një e krijuar dhe punuar nga bashkëshorti i saj dhe këngëtarja e famshme e ka përdorur pa leje.
Pjesë nga biseda
Rudina Magjistari: E ndoqe koncerin e Rita Orës dhe Ermal Metës?
Gjyste Vulaj: Tani për koncertin e Rita Orës s’dua të flas sepse ajo ka përdorur një insert të muzikës së Sokolit pa pyetur, por unë i uroj suksese. Është “vallja e Rugovës”. Atë version e ka bërë Sokoli para shumë-shumë vitesh, diku 15-16 vjet më parë. Si kolegë që jemi duhet të kishte pyetur, por gjithsesi Rita Ora na ka zbardh fytyrën. Megjithëse u pendova që e thashë se…
Rudina Magjistari: Ke provuar të kontaktosh me të dhe t’i thuash pse?
Gjyste Vulaj: Jo, jo. Tek e fundit është kënaqësi që Rita Ora merr një muzikë nga ne.
Discussion about this post