Emisionin “Zonë e lirë’, moderator Arian Çani, e ka nisur me një monolog, përsa i përket prishjes së Teatrit Kombëtar.
Ai ka thënë se jeta është xhungël dhe të fortët gjithmonë dominojnë.
Me ironi moderatoi ka thënë se shpesh qesh me aktorët pasi duan që tetatri të mos prishet. Ky është një vendim, që sipas Çanit, aktorët nuk I pyet askush, pasi pushteti është i tillë.
“Pushteti dhe shoqëria janë gjithmonë në luftë me njëri-tjetrin. Them shoqëria dhe jo “populli” sepse “populli” është një nocion abstrakt, ndaj them shoqëria.
Ata janë në vazhdimësi përballë njëri-tjetrit pasi “pushteti” kërkon gjithmonë të marrë për vete. Jeta është xhungël. Qesh shpesh me njerëzit që kërkojnë të mos prishet Teatri Kombëtar pasi ata me arsye kërkojnë të tregojnë pse nuk duhet të prishet ajo godinë.
Por pushteti nuk pjerdh për ata. Kjo sepse pushteti nuk dëgjon nga ajo anë. Edhe unë po të isha nuk do të dëgjoja nga jo anë, por do të dërgoja ruspat për ta prishur”,është shprehur Çani.
