Digjet nga flakët një biznes në Fier (Detaje)

Një zjarr ka përfshirë një biznes në lagjen ‘16 prilli’,  në Fier. Mësohet se një magazinë e pjekjes dhe ambalazhimit të kafes është djegur.

Thuajse totaliaht stoku i kafes që ndodhej në magazinë, është djegur nga flakët.

Burime për Fax News bëjnë me dije se zjarri ka rënë rreth një orë më parë dhe ka vazhduar  për rreth 45 minuta.

Sipas pronarit, jane djegur pajisjet dhe sasi e madhe kafeje dhe të gjitha se bashku sipas tij kanë pasur vlerën e rreth 500 mijë eurove.

Paraprakisht dyshohet se zjarri ka rënë për shkak të një shkendije elektrike. Ndërkohë ditën e sotme magazina ka qenë pushim dhe nuk ka pasur punëtor.

Njoftimi i policisë:

“Fier
Informacion paraprak

Në datën 02.09.2018, rreth orës 15:30, në lagjen “16 Prilli”, në magazinën me kafe në pronësi të shtetasit H.O ka rënë zjarr.

Në vendngjarje u dërguan shërbimet e policisë dhe shërbimi zjarrëfikës të cilat bënë të mundur fikjen e zjarrit.

Nga hetimet paraprake dyshohet se zjarri ka rënë për shkak të një shkëndije elektrike në magazinë.

Grupi hetimor po punon për sqarimin e plotë të rrethanave të kësaj ngjarje.”

(E.V/Faxweb.al)