Nis rrafshimi pas mesnate në Astir, banorët grumbullohen me urgjencë. Ja ç’do vendoset (Video)

Gjatë gjithë orëve të natës së sotme në zonën e Astirit punonjës të IMT-së kanë shkulur shumicën e pemëve dhe shtyllave të ndriçimit në këtë zonë.

Edhe pse banorët mendonin se për shkak të ditëve të pushimit mund të kishte një shtyrje të punimeve, kjo nuk ka ndodhur aspak, madje procesi është përshpejtuar, duke u kryer edhe natën. Duket se institucionet përgjegjëse i janë trembur reagimit dhe qëndresës së banorëve, duke e kryer gjithçka natën.

Gazetarja e Fax News Mirilda Tili raporton se banorët janë mbledhur dhe po diskutojnë për një orar më të hershëm të protestës, ndryshe nga ora 17:00 që ka qenë përditë.

Kjo lëvizje e tyre vjen në një kohë që kanë 26 ditë që protestojnë në mbrojtje të banesave të tyre.

Jo më larg se dje banorët hodhën poshtë blloqet e betonit që ishin vendosur në rrugë nga ana e ARRSH-së, ndërsa të njëjtin reagim kanë paralajmëruar edhe sot.

Po ashtu gjatë ditës së sotme ka një prani të konsiderueshme të efektivëve të policisë që janë vendosur në zonë.