Rita Ora sjell këngën në gjuhën shqipe: E mrekullueshme që ne kemi mundësinë të shfaqim talentin

Këngëtarja shqiptare me famë botërore, Rita Ora ka shprehur dëshirën të këndojë një këngë në gjuhën shqipe.

Rita Ora ka qenë e ftuar në një emision në Zvicër, ku ndër të tjera ka rrëfyer lidhjen e saj të ngushtë me Kosovën të cilën mundohet ta vizitojë shpesh, si dhe planet për të ardhmen në muzikë.

E pyetur nga moderatorët nëse ka ndërmend të këndojë ndonjë këngë në gjuhën shqipe, ajo e la të hapur këtë mundësi duke u shprehur se është diçka që ka shumë dëshirë t’a realizojë.

“Do të ishte e mrekullueshme të bëja një këngë në gjuhën shqipe një ditë.” u shpreh Ora.

Lidhur me talentet shqiptare që kanë filluar të njihen në botë këngëtarja thotë që është shumë  e lumtur që krijuar kjo mundësi për të gjithë.

“Muzika dhe vallëzimi janë në gjakun tonë. Mendoj se është e mrekullueshme që ne kemi mundësinë të shfaqim talentin tonë në të gjithë botën.” u shpreh këngëtarja.