Sara Hoxha, po kalon pushimet në Capri të Italisë së bashku me motrën Lorin dhe mamanë e saj Vjollca Hoxha. E ndërsa është në pritje të fëmijës së saj të dytë, Sara tregon nëpërmjet një statusi në rrjetin sociale Instagram, se po kalon depresion para lindjes.
Hoxha ka ndarë me fansat dhe miqtë e saj në Instagram atë çfarë po kalon dhe nëpërmjet këtij shkrimi, këshillon të gjitha nënat që të mos e jetojnë jetën me frikë, pavarësisht asaj çfarë po kalojnë.
“Gjatë javëve/muajve të fundit gjërat nuk kanë qenë të lehta. Nuk është nevoja të them, që për shkak të gjithçkaje që po ndodh në jetën time, unë kam vuajtur nga ankthi dhe depresioni para lindjes. Kam refuzuar të dal me miqtë e mi ose të jem shumë aktive në jetën time dhe ndonjëherë e gjej veten të vetmuar dhe të mërzitur. Javën e kaluar nëna dhe motra ime më ofruan të më merrnin në një udhëtim në Capri dhe unë debatova duke thënë jo shumë herë. Deri në orën e fundit nuk e dija nëse do ta bëja atë fluturim. Sidoqoftë, kjo ka qenë një nga fundjavat më relaksuese të shtatzënisë time. Jeta ka një mënyrë të çuditshme për të të thënë që ta bësh atë udhëtim, të shkosh për drekë, të dalësh për kafe dhe të jesh mirënjohëse për atë që ke; mos e jeto jetën duke pasur frikë se çfarë mund të shkojë keq. Pavarësisht nga errësira që merr ndonjëherë shumë hapësirë në kokën time, unë jam gjithmonë thellësisht e dashuruar dhe mirënjohëse për njerëzit përreth meje, që më mbështetin për gjithçka. Miqtë e mi, motrat e mia, mami im dhe më e rëndësishmja djali dhe burri im i bukur që gjithmonë më japin kurajo”, shkruan Sara.
Discussion about this post