Një aksident i ndodhur mbrëmjen e djeshme, ku ka humbur jetën Amir Ademi futbollist i FC Kosova Regensburg.
Talenti shqiptar, Amir Ademi ka humbur jetën pas një aksidenti automobilistik. Ngjarja e rëndë ndodhi mbrëmjen e së martës, kur futbollisti i FC Kosova Regensburg po kthehej në shtëpi pas stërvitjes.
22-vjeçari ndodhej në makinën e tij, tip Peugeot kur u përplas më një Volkswagen Passat dhe më pas me muret rrethuese të rrugës. Pas përplasjes, makina u përfshi nga flakët, çka i shkaktoi edhe vdekjen e menjëhershme talentin shqiptar.
“Të dashur vëllezër edhe motra e miq të nderuar. Me hidhërim edhe dhimbje të thellë ju lajmërojmë se vëllai, miku edhe i dashuri jonë, Amir Ademi ka ndërruar jetë pas një aksidenti tragjik që ka ndodhur mbrëmjen e djeshme…”. Ngushëllime familjes edhe të gjithë miqve edhe shokëve për këtë humbje të madhe. Amiri do të jetë gjithmonë në zemrat tona”, thuhet në njoftimin e FC Kosova Regensburg.
