Mund të kishin menduar çdo të keqe, por askush nuk do ta kishte imagjinuar as në ëndrrat më të këqija të tyre, se do të vdisnin të gjashtë si familje në të njëjtën ditë.
Sot në Thumanë po kryhen homazhet për gjashtë anëtarët e familjes Cara, nga gjyshja te nipat, dhe fjalët për të përshkruar dhembjen e të afërmve nuk mund të gjenden.
I vetmi i mbijetuar i kësaj familje është Albert Cara, i cili u nxor nga rrënojat ditën e pasme të tërmetit, ndërsa gjendja e tij është rënduar me kalimin e orëve.
Pak minuta më parë ai është nisur me avion drejt Italisë ku do të marrë një mjekim më të specializuar, pasi paraprakisht thuhet se është i paralizuar në gjysmën e trupit.
Meraku i kushërinjve të tij ishte nëse duhet apo jo që tia thonin të vërtetën e hidhur, atë më të rëndën që mund të përjetojë një zemër njerëzore.
Mesa duket mjekët kanë vendosur që tashmë prioritet është mbajtja në jetë e Alber Carës, i cili është nisur drejt Italisë, pa mundur që t’iu thojë dot lamtumirë fëmijëve, nënës, nuses dhe bashkëshortes së tij.
(E.K/Faxweb.al)
