Ditën e sotme ka pasur tensione të forta në ambientet e paraburgimit në Fier, për shkak se të burgosurit kanë refuzuar qendrimin pranë tyre të 26-vjeçarit Ervis Zotaj, i cili dyshohet se vrau pak ditë më parë në mënyrë makabre Drita Saliajn.
Burime për Fax News bëjnë me dije se Ervis Saliaj është dhunuar nga të burgosurit për shkak të përdhunimit dhe më pas vrasjes së Drita Saliajt.
Vetë drejtori i burgut Fier, Arjan Hasani ka konfimuar ngjarjen e dhunës ndaj të dyshuarit për vrasjen e Drita Saliajt.
Mësohet se të burgosurit kanë tëntuar që ta rrahin teksa kanë qënë duke u ajrosur, por menjhërë ka ndërhyrë policia për të shmangur përplasjen.
Ata e kanë cilësuar krim makabër atë të kryer nga Zotaj, dhe për këtë shkak kanë refuzuar që të ndajnë qelinë me të.
Zotaj së bashku me dy të rinj të tjerë janë arrestuar për shkak se dyshohet se dhunuan dhe më pas e hodhën në lumë të njohurën e tyre, Saliaj, mbrëmjen e 5 Janrit të këtij viti.
Mbi Zotajn ka dyshime që ai të ketë kryer dhe marrëdhënie me dhunë me Saliajn, sipas dëshmisë së dhënë në dosjen e prokurorisë nga 16-vjeçari Sindi Shehaj.
Krimin e ka dënuar dhe vetë familja e 26-vjeçarit, të cilën deklaruan në kushtet e tronditjes së thellë psikologjike se në rast se shteti nuk do të jepte dënimin maksimal për djalin e tyre, do të detyroheshin ta vrisnin vetë.
Discussion about this post