“Moj e çmendura E…”, presidenca i përgjigjet Spiropalit: Do e shihni shumë shpejt

Zëdhënësi i Presidentit, Tedi Blushi i është përgjigjur reagimit të Ministres, elisa Spiropali në lidhje me deklaratat e sotme të Kreut të Shtetit.

Blushi pyet Spiropalin nëse edhe për grushtin e shtetit kanë marrë consensus nga BE-SHBA ndërsa i kujton se Venecian pasi e kërkuan, e përzunë.

Më tej zëdhënësi i Metës thekson se qeveria mban fort  oligarkët duke i quajtur të besës ndërsa shton se sa i përket popullit, do ta shikojnë shumë shpejt

Reagimi i plotë:

Moj e Çmendura E., po edhe për grushtin e shtetit keni marrë konsensusin e SHBA-BE? Se Venecian që vetë e kërkuat, po vetë e përzutë!
Megjithatë, ne nuk nxitohemi! Po presim edhe opinionet zyrtare të EURALIUS-it. Se kështu mashtruat ju edhe për opinionet që nuk ekzistojnë të KED, Shkollës së Magjistraturës, dhe Komitetit Shqiptar të Helsinkit, që shkëlqeu me delegjitimimin e ligjit tuaj anti-kushtetues të betimit buzë Lanës.
Mbani fort oligarkët se ata janë të besës.
Sa për popullin, do e shihni shumë shpejt!
Edhe pak durim!
Me qetësi dhe drejtësi!
Për gjuhën jashtë kontrollit, nuk kemi koment, se ti na udhëheq në këtë drejtim bashkë me Skënderbeun tënd.

Ministrja e Shtetit për Marrëdhëniet me Parlamentin Elisa Spiropali ka reaguar pas thirrjeve të presidentit Ilir Meta, ku lajmëroi një tubim më datë 2 Mars në Bulevardin “”Dëshmorët e Kombit”, kundër grushtit të shteti, që ai cilëson qeverinë.

Spiropali ngre pyetjen se pse Ilir Meta priti Konferencën e Donatorëve për ta ribërë leckë Presidentin, ndërkohë që shton se për I.Metën s’ka të sosur! (Lexo lajmin).

Presidenti Ilir Meta ditën e sotme ka lajmëruar një tubim më datë 2 Mars në Bulevardin “”Dëshmorët e Kombit”.

Meta ka deklaruar gjatë një konference me gazetarët se në këtë datë ai do të firmos në bulevard një dekret me anë të të cilit do të shpartallojë grushtin e shtetit.

Ai ka bërë thirrje për pjesmarrje popullore për të çliruar sipas tij institucionet përreth Bulevardit nga uzurpimi ku edhe do të firmoste një dekret për të cilin nuk ka treguar detaje se me çfarë ka të bëjë.

(F.GJ/FAXWEB.AL)