9 futbollistë humbin jetën në aksident

Nëntë futbollistë kanë humbur jetën dhe 17 të tjerë kanë mbetur të plagosur, pas një aksidenti tragjik të një autobusi të ndodhur në Guine.

Mësohet se futbollistët ishin pjesë e skuadrës së kategorisë së dytë në këtë shtet, Etoile de Guinee. Aksidenti ndodhi në qytetin Mamoou.

Futbollistët ishin duke udhëtuar me autobus për të zhvilluar ndeshjen e parë në kampionat, në qytetin Krankan, ndërsa detajet nga aksidenti janë të paqarta.

“AS” shkruan se në këtë aksident është mes viktimave edhe Almamy Keita, i afërmi i mesfushorit të Liverpool, Naby Keita.