Barcelona në panik për largimin e tij, Messi kapet duke darkuar i qetë me … (VIDEO)

Këto mund të jenë ditët e fundit të Leo Messi-t në Barcelonë. Argjentinasi ka marrë vendimin për t’u larguar nga Katalonja pas 17 vitesh.

Vendimi i tij ka tërbuar tifozët dhe i gjithë ambienti bleugrana po zien gjatë orëve të fundit. Megjithatë 33-vjeçari duket i qetë.

‘El Chiringuito de Jugones’ ka xhiruar Lionel Messin dhe Luis Suarezin në dalje të një restoranti të njohur në qytetin e Barcelonës, ku kishin qenë së bashku në darkë.

Sulmuesi argjentinas dhe uruguaian u larguan me veturat e tyre përkatëse dhe u takuan në darkën që mund të jetë e fundit e tyre si futbollistë të Barcelonës.

Kjo është paraqitja e parë e Messit në publik pas kërkesës për largim nga klubi.

Njësoj sikurse Messi, edhe e ardhmja e Suarezit gjithashtu besohet se do të jetë larg Barcelonës pasi ish-ylli i Liverpoolit nuk është në planet e trajnerit të ri, Ronald Koeman.