Vetëm para pak kohësh, kryetari i bashkisë së Tiranës Erion Veliaj, ka shprehur dëshirën për t’u bërë prindër.
Por menjëherë pas kësaj, disa portale e kanë ekzagjeruar deklaratën e kryebashkiakut duke shkruar se bashkëshortja e tij Ajola Xoxa është shtatzënë në muajin e pestë.
Madje u shkrua se Veliaj ka hequr nga rrjetet sociale një foto ku dukej barku i rrumbullakosur i Ajolës.
Por, gazetarja e “Thumb” i ka hedhur poshtë të gjitha këto thashetheme kur publikoi një bisedë me gruan e kryebashkiakut.
“Jo zemër nuk jam shtatzanë, është një gënjeshtër e madhe. E pashë lajmin por nuk thonë kështu. Marrin si bazë një intervistë të Erionit ku tha se e kemi në plan për 2017, që edhe ky plani i tij është dmth. Dhe madje i kanë të gjitha infot gabim, ne sigurisht që nuk kemi 16 vite bashkë, se nuk jemi lidhur kur unë isha 15 vjeç dhe Erioni nuk ka hequr nga FB asnjë foto ku dukej gjasme “barku i rrumbullakosur”. Ka përfunduar gazetaria në nivele të frikshme sajesash.”, i shkruan Ajola gazetares.
Kreu i Bashkisë së Tiranës, Erion Veliaj para disa ditësh ishte i ftuar në emisionin e Rudina Magjistarit në “TV Klan”. I pyetur se kur mund të bëhet baba, Veliaj tha se në vitin 2017, pra vitin e ardhshëm, do të ketë një përgjigje lidhur me këtë temë.
Por tani, me shprehjen “që edhe ky plan i tij është dmth”, Ajola ka treguar se nuk është dakort me të shoqin për të pasur një fëmijë sëshpejti.
Discussion about this post