Aksident i rëndë në Durrës, makina përplas për vdekje këmbësorin

Një ngjarje e rëndë është shënuar pasditen e sotme në rrugën Gjiri i Lalëzit në fshatin Radë ku një automjet ka përplasur për vdekje një 87 vjeçar.

Mësohet se drejtuesi i mjetit është E.Q, 37-vjeç i cili ka përplasur 87-vjeçarin me inicialet S.D, duke i shkaktuar edhe vdekjen.

37-vjeçari është shoqëruar në Policinë e Durrësit për veprime të mëtejshme procedurale.

Informacion Paraprak

Më datë 05.04.2019 , rreth orës 16:30 , në rrugën e Gjirit të Lalëzit, në fshatin Radë , E.Q.,37 vjeç, duke drejtuar automjetin e tij ka aksidentuar shtetasin këmbësorë S.D., 87 vjeç, i cili ka ndërruar jetë.

Drejtuesi i mjetit u shoqërua në Komisariatin e Policisë Durrës për veprime të mëtejshme.

Grupi Hetimor ndodhet në vendngjarje dhe po punon për përcaktimin e shkakut të aksidentit

(F.GJ/FAXWEB.AL)