Një aksident automobilistik ka ndodhur mbrëmjen e sotme në Kamëz. Dy automjete janë përplasur kokë më kokë në rrugën ‘Berisha’, ndërsa janë plagosur 3 persona, të cilët janë nxjerrë nga makina nga shërbimi zjarrfikës.
Të plagosurit janë dërguar në spitalin e Traumës.
Forca police në vendngjarje kanë nisur hetimet për zbardhjen e plotë të shkaqeve dhe rrethanave të ngjarjes.
Njoftimi i policisë:
Më datë 25.04.2017, rreth orës 19:00, në rrugën “Berisha”, Kamëz janë përplasur dy automjete. Si pasojë e përplasjes njëri nga drejtuesit e mjeteve ka ngelur në brendësi të mjetit dhe ka qënë e nevojshme ndërhyrja e forcave zjarrfikse për nxjerrjen e tij.
Në S.Q.U. janë dërguar shtetasit F. P., 30 vjeç, K. K., 34 vjeç dhe M. M., 28 vjeç, të cilët ndodhen jashtë rrezikut për jetën. Grupi hetimor po punon për zbardhjen e plotë të rrethanave të këtij aksidenti.
(M.D/ Shuplaka)
Discussion about this post