Aksident tragjik në Serbi, humbin jetën 2 zyrtarët kosovarë

Një aksident është shënuar sot në Nish të Serbisë, si pasojë e të cilit kanë humbur jetën dy zyrtarë kosovarë.

Aksidenti ka ndodhur rreth orës 12:45 në Nish të Serbisë, në autostradën Nish-Leskovac, në afërsi të lokalitetit Doljevac. Automjeti Toyota Land Cruiser që udhëtonte nga Shkupi për në Nish, ka dalë nga rruga dhe është rrotulluar, duke i marre si rezultat jetën Kryetarit të komunës së Ranillugut, Gradimir Mikiq dhe Kryesuesit të Kuvendit Komunal, Sasha Alleksiq.

Klan Kosova shkruan se si pasojë e aksidentit, kanë mbetur të plagosur edhe Vesna, bashkëshortja e Gradimir Mikiqit që humbi jetën, si dhe drejtori i Arsimit, Davor Petkoviq.  (D.D/Shuplaka)