Familjarët e viktimave të MH370 kanë kërkuar vazhdimin e hetimeve lidhur me shkakun e rrëzimit të avionit ku humbën jetën të afërm të tyre.
Në reagimin e tyre më të fundit, ata e kanë cilësuar si të “papërgjegjshëm” vendimin për të ndalur kërkimet për avionin malajzian që u zhduk në Mars 2014. Avioni humbi kontaktet teksa udhëtonte nga Kuala Lumpur drejt Pekinit me 239 persona në bord.
Më shumë se 120.000 km katrorë të Oqeanit Indian janë kontrolluar, por pa dhënë asnjë rezultat.
“Kërkimi duhet të zgjerohet. Kjo është një detyrë e pashmangshme ndaj njerëzve, atyre që udhëtojnë.”, janë shprehur familjarët e viktimave. (XH.A/SHUPLAKA)
