Një aksident tragjik ka përgjakur mbrëmjen e sotme kryeqytetin, ku mësohet se në Unazën e Re, një mjet tip Audi Q7 me drejtues shtetasin me inicialet E.S., 32-vjeç, ka goditur për vdekje një personrreth moshës 55-vjeç.
Sipas njoftimit të Policisë, ngjarja ka ndodhur rreth orës 21:15, në rrugën “Teodor Keko”, ndërsa viktima e cila ende nuk është identifikuar, ka qenë këmbësor.
Policia ka bërë shoqërimin në KOmisariat të drejtuesit të mjetit për të dëshmuar më tej për rrethanat në të cilat ka ndodhur ngjarja.
Shkak për ngjarjen e rëndë dyshohet paraprakisht të ketë qenë mungesa e ndriçimit në rrugë, pasi zona ku ka ndodhur është tepër e errët.
Njoftimi i Policisë;
Rreth orës 21:15, në rrugën “Teodor Keko”, automjeti me drejtues E. S., 32 vjeç ka goditur një këmbësor rreth 55 vjeç.
Si pasojë e përplasjes, këmbësori ende i pa identifikuar ka ndërruar jetë.
Drejtuesi i automjetit shtetasi E. S është shoqëruar në Komisariat për veprime të metejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifilimin e 55 vjeçarit që ndërroi jetë.
(F.GJ/FAXWEB.AL)
