Kreu i LZHK Dashamir Shehi i ftuar në emisionin “Tonight Ilva Tare” ka folur për takimin mes kryeministrit Edi Rama dhe kreut të opozitës Lulzim Basha.
Sipas Shehit, Rama po mundohet t’i shkurtojë kohën negociatave dhe këtë e argumenton me tërheqjen e tij oferta e 25 prillit për opozitën.
I pyetur nga gazetarja se çfarë ka ndryshuar nga paketa e McAllister, me negociatat e sotme, Sheshi u përgjigj:
“Ato 4 ministra u bënë zv/ministra. Data e zgjedhjeve nuk është diskutuar. Sot Rama me mendjen e tij ka menduar që ka mbërrit goxha shumë dhe i ka mbyll pazaret në kampin e vet. Praktikisht nuk ka më kundërshtarë dhe mendon se mund të shkelë me këmbë opozitën. Është një ide e gabuar dhe këtë e thotë nje njeri si puna ime që ka hyrë tek liberale dhe po të vazhdojë me këtë arrogancë dhe njerëzit e urtë si puna ime do neverikoseshin. Ky njeri del e tallet me opozitën dhe thotë keni 48 orë. Ku do shkojmë ne? Do bëjmë ndeshjen e kthimit! Ky nuk mund të përcaktojë oraret dhe afatet. Në këtë mënyrë ky po i shkurton kohët negociatave. Duke e lënë kaq shumë nuk po na le shteg tjetër veç rrugës, rruga ka të papritura të tjera.”
Ndër të tjera, në mbledhjen e grupit parlamentar, Shehi deklaron se ka propozuar që shqiptarët të shkojnë në zgjedhje.
“Kam propozuar atë që e kam thënë hapur. Sido qoftë ne kemi për detyrë ti çojmë shqiptarët në zgjedhje. Do t’i çojmë pas 5 javësh siç pretendon zotëria e tij, apo pas 5 muajsh siç pretendon zotëria tjetër, kjo është një çështje qëshpresojmë të arrijmë përmes negociatave, por qëllimi final i PD dhe aleatëve është ti çojë shqiptarëve në zgjedhje, por me kushte minimale të rregullit zgjedhor.”, tha Shehi.
Takimi i sotëm mes kryeministrit Edi Rama dhe kreut të opozitës Lulzim Basha, u realizua pas thirrjes së presidentit të Republikës Bujar Nishani. Negociatë kjo e mundësuar pas disa negociatave të tjerave paraardhëse të dështuara, kur Rama dhe Basha nuk janë takuar përballë. (D.D/Shuplaka)
Discussion about this post