Ambasadori bullgar i akredituar në Shqipëri Momtchil Raytchevski i pranishëm në qytetin e Elbasanit ka folur dhe për krizën politike që ka mbërthyer vendin prej gati një viti si dhe pritshmëritë apo optikën përmes të cilës ai sheh marrjen e kryesisë së OSBE-së nga Shqipëria.
I pyetur se çfarë mendimi ka për situatën politike në vend ai është shprehur se ka besim tek burrat e politikës shqiptare dhe se zgjidhja nis me dialogun.
“Situata politike ne Shqipëri është e tille, siç është nuk e di çfarë prisni t’ju them unë, ajo qe mund t’ju them është qe ne kemi besim tek burrat e politikes shqiptare qe kane mjaft përvoje qe te gjejnë rrugën përpara.
Kuptohet qe kjo behet përmes dialogut.”, u shpreh ai.
I pyetur dhe se a e sheh si ogur të mirë për çeljen e negociatave marrjen e kryesimit të OSBE nga Shqipëria ai u shpreh se:
Përgjigja me e shkurtër e kësaj pyetje është po. Gjithmonë kryesimi i nje organizate ndërkombëtare është jo vetëm shans i madh por edhe përgjegjësi e madhe. Përgjegjësi sepse OSBE ka rolin e vet ne rajon në aspekte me te gjera botërore kryesimi i një organizate te tille jep mundësinë një shteti jo vetëm qe te realizojë disa prej prioriteteve te veta por po kështu te fitoi pervojë dhe të tregojë qe është partner tek i cili mund te ketë besim”, deklaroi me shumë bindje ambasadori Raytchevski.
Discussion about this post