Anëtari i Kryesisë së LSI-së, Dritan Ylli, ka folur sot mbi mundësinë që LSI të dalë forcë e parë në zgjedhjet e ardhshme . Në rubrikën “Opinion”, Ylli tha se LSI synon të përcjellë zërin e qytetarëve që çdo problematikë që ata hasin, në mënyrë që atyre t’u jepet zgjidhja e duhur.
Ndërkohë që 1 prilli po afron, dita e marrëveshjes LSI-PS, Ylli thotë se për aq kohë sa LSI është në koalicion, tregon angazhim për të mbështetur reformat në interes të qytetarëve. Sakaq, ai ka theksuar se kritikat e përcjella synojnë të bëhen përmirësime, në mënyrë që mos penalizohen qytetarët.
I pyetur lidhur me angazhimin tashmë të shprehur të LSI për të dalë forcë e parë në zgjedhjet e përgjithshme të 18 qershorit, Ylli tha se ky është një rezultat i pritshëm pas punës të madhe që kjo forcë politike ka bërë me qytetarët.
Ylli tha se Ilir Meta është një lider shumë i mirë për shqiptarët.
“Në radhë të parë LSI kërkon të votëbesohet përpara qytetarëve shqiptarë për punën emirë që ka bërë, për derën e hapur për të gjithë shqiptarët, ndaj ne në këtë fushatë hyjmë me moton “Një shans për të gjithë, një shans për rininë”. Synojmë që rinia të sjellë një Shqipëri ndryshe. LSI i ka krijuar hapësirë të rinjve në nivele të ndryshëm të qeverisjes, dhe në Parlament. Në çdo drejtim ka patur edhe angazhimet e saj për kategori të ndryshme sociale për të qenë një zë në zgjidhje. Ne sot shikojmë një situatë shumë optimiste, që LSI të jetë forcë fituese.
Në disa zona LSI është forcë e parë, si në Pukë, Fushë-Arrëz, Malësi të Madhe, në disa zona në Tiranë, dhe në të gjithë vendin. Pra LSI është një forcë që ka njohur vetëm rritje nga fillimi saj. Kjo rritje nuk ka ardhur në mënyrë artificiale pasi qytetarët i kanë dhënë besimin një force që iu është përgjigjur atyre çdo ditë. Një forcë fituese ka edhe lideri e saj për kryeministër. Për më tepër ne si LSI kemi mundësinë t’u japim shqiptarëve një lider të pjekur, si Ilir Meta, një lider, serioz, të mençur dhe të vendosur për të çuar përpara fatet e vendit. Është një faktor për konsensus. Meta është një politikan shumë i përgjegjshëm sot për vendin, dhe vendi ka nevojë për të”,- u shpreh Ylli. (M.D/ Shuplaka)
