‘Ardhja e Kolegjit të Europës na bën krenar’/ Rama: Do të jetë destinacion i mirëfilltë europian arsimimi

Kryeministri Edi Rama ka folur ditën e sotme mbi ndërtimin e kampusin e kolegjit të Europës që do të hapet në Tiranë.

Pas fjalës së komisionerit Varhelyit, Rama shtoi se ndihet krenar, duke thënë se ky do të jetë një destinacion i mirëfilltë europian arsimimi.

“Edhe unë nuk isha përgatitur që të flisja dhe nuk do të mbaj fjalim. Dua vetëm të ndaj me të gjithë ju atë që ka bërë Frederica. Nuk e fsheh kënaqësinë që të kemi Fredericën që i afrohet asaj pike ku ne ofrojmë nënshtetësinë shqiptare.

Do të jetë më shumë se një nder që ta konsiderojmë atë si shqiptare. Ardhja e Kolegjit të Europës na bën krenar. Ky do të jetë destinacion i mirëfilltë europian arsimimi. Jo vetëm sa i takon programeve, por dhe cilësisë së jetës.”, u shpreh Rama.