Protestës së organizuar nga Partia Demokratike, këtë pasidite i janë bashkuar edhe gazetarët Armand Shkullaku dhe Sonila Meço.
Si Shkullaku ashtu edhe Meço, janë shprehur edhe më parë kundër qeverisjes Rama, megjithatë sot për herë të parë, bëhen pjesë e një organizimi të tillë politik.
“Kjo qeveri, tolerancën, konsensusin, nuk e merr për vlerë. Sa më tolerantë, sa më të hapur, sa më konsensualë jo vetëm opozita por edhe ne qytetarët kemi qenë, aq më arrogante është treguar qeveria dhe aq më e dhunshme. Kështu që mendoj se momenti i tolerancës ka mbaruar.”, shpreh Shkullaku.
Ndërkohë Meço akuzoi qeverinë se po censuron mediat duke mos i lejuar gazetarët të raportojnë për të vërtetën.
“Pse sulmohen në mënyrë barbare mediat? Pse mbyllen televizionet? Pse largohen gazetarë nga puna, pse Armand Shkullaku duhet të ketë si platformë në të cilën shpjegon nevojën e vet për të pasur një lloj përkatësie opozitare, jopolitike… Pse e vërteta duhet të vijë me një çmim të jashtëzakonshëm, që po e vuajmë ne dhe po e vuani ju. Për këtë arsye mendoj se zgjedhjet nuk janë zgjedhje në Shqipëri.”, tha Meço. (D.D/Shuplaka)
[ngg_images source=”galleries” container_ids=”1171″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
