Gjashtë shqiptarë janë arrestuar nga policia italiane pasi ishin pjesë e një bande prostitucioni.
Banda e përbërë nga shqiptarë, rumunë dhe italianë, prej disa muajsh ishte nën vëzhgimin e autoriteteve italiane.
Siç raportojnë mediat vendase, ata shfrytëzonin vajza të reja për prostitucion në qytetin e Modenas. Vajzave u paguhej një rrogë mujore ose javore, për të kryer aktivitetin në zona të caktuara.
Katër prej shqiptarëve janë lënë në burg ndërsa dy prej tyre në arrest shtëpie, derisa Gjykata të marrë vendimin.
Të burgosurit janë: Ismet Rapo, 36 vjeç, Flamur Beluli, 30 vjeç dhe Petrit Thartori, 41 vjeç.
Ndërsa në arrest shtëpie janë Dorian Çakri, 27 vjeç, Fabiol Çakri, 25 vjeç si dhe Gerta Rapo, 34 vjeç.
Agjentët e policisë arritën të zbulojnë metodën dhe skemën që anëtarët e bandës përdornin për menaxhimin e biznesit të tyre.
Policia po heton akoma edhe 15 persona të tjerë.
