Kryeministri Edi Rama ka reaguar pas përfundimit të prokurorisë për audio përgjimin e vëllait të ministrit të Brendshëm, Fatmir Xhafaj të cilin e cilësoi montim. Rama shkruan arrestimi i personave të fshehur pas “Babale 1” të jetë fillimi i drejtësisë mbi gjëra të orkestruara.
“Uroj që arrestimi i aktorëve të Babale 1 të jetë fillimi,jo fundi i drejtësisë mbi një maskaradë të orkestruar për të llahtarisur dynjanë e rrëzuar qeverinë!Pas mjeranëve të paguar për t’u përgjuar,qëndrojnë autorë e pagatorë të këtij krimi që duhet të paguajnë deri në fund”, shkruan Rama.
Në video përgjimin që rezultoi i rremë, Agron Xhafaj, vëllai i ministrit të Bbrendshëm Fatmir Xhafaj implikohej në pazare droge. Prokuroria e Krimeve të Rënda ka ngritur akuzë për kallëzim të rremë për 3 persona, Albert Veliun, shtetasin Fredi Alizoti, i cili nga hetimet rezulton se ka imituar në bisedat telefonike Agron Xhafajn si dhe gazetarin Jetmir Olldashi.
Për “Babalen” dhe imituesin Alizoti Prokuroria ka kërkuar masën e sigurisë arrest me burg, që është miratuar nga gjykata, ndërsa për gazetarin Olldashi është kërkuar masa e detyrimit të paraqitjes.
(J.D/Faxweb.al)
Discussion about this post