Kreu i grupit parlamentar të PS-së, Taulant Balla, i ka kthyer përgjigje ish-kryeministrit Sali Berisha sot nga foltorja e Kuvendit.
Balla tha se një lajm i orëve të fundit është që djali i ish-Kryeministrit Sali Berisha, Shkëlzen Berisha, është thirrur nga Prokuroria, për çështjen CEZ, pasi nuk pranoi të dëshmonte 3 herë para komisionit hetimor.
“Në 27 Janar do të ndërtoni marrëdhënie të kushtëzuar me Parlamentin që Xhaferri të marrë paratë nga ministria e Financave. Do vini në protestë për çfarë? Për zgjedhjet e 25 Qershorit? Kundër kujt do protestoni? Kundër 20 mijë komisionerëve të PD-së që kanë miratuar çdo procesverbal?
Ka një arsye të fortë që Berisha do dalë në protestë në 27 Janar. Mediat njoftojnë se Shkëlzen Berisha dhe Nue Kalaj janë thirrur sot nga Prokuroria, për shpërdorim detyre nga ana e babait, por edhe shndërrimi i të birit në një rrytshfetxhi. Sot kur prokuroria njofton marrjen në pyetje të Zenit, babai i tij i bën thirrje shqiptarëve të rrëzojnë këtë qeveri.”tha Balla.
(F.G/Faxweb)
