Për Ismail Morinën mesa duket telashet nuk kanë fund, pasi prej dy ditësh ai është ndaluar nga policia e Kroacisë ku po tentonte të kalonte kufirin mes Malit të zi dhe Kroacisë.
Prej datës 5 Qeroshor ai ndodhej në Shqiperi pasi është ndarë nga jeta i ati. Morina do të kthehej përsëri në Itali aty ku ndodhet bashkëshortja dhe dy fëmijët.
Sipas burimeve të Opinion.al Mësohet se ai ka hyrë dhe ka dalë nga Shqipëria pa pasaportë, pasi dokumentet i janë mbajtur nga autoritetet italiane. Ndaj gjatë kësaj kohe ai ka udhëtuar në mënyrë klandestine.
Familjarët kanë kërkuar ndihmën e autoriteteve shqiptare që të ndërhyjnë tek policia kroate dhe malazeze për lirimin e Ismail Morinës, pasi ndaj tij ka edhe një urdhër-arresti serb. Nëse ekstradohet në Serbi, jeta e tij është e rrezikuar, apeluan familjarët e Ismail Morinës. (S.SH/Shuplaka)
Discussion about this post