Deputeti Gazment Bardhi pati një replikë të shkurtër në seancën e sotme me ministrin e Jashtëm Igli Hasani. Ky i fundit doli në foltore dhe lexoi një deklaratë sa i përket ngjarjeve në veri të Kosovës duke bërë thirrje për ndërhyrjen e BE-së dhe KFOR.
Sipas Bardhit, ministri thjesht e vetëm lexoi statuset e Ramës këto ditë të fundit dhe nuk mbajti asnjë qëndrim për të dënuar agresionin serb. Gjithashtu ai bëri edhe thirrje për firmosjen e rezolutës nga deputetët për dënimin e sulmit terrorist në Banjskë.
Gazment Bardhi: Ministrit të Jashtëm nuk i ndërhymë meqë flet për herë të parë dhe ishte një temë e rëndësishme. Prisja të dënonte sulmin e Serbisë mbi insituticionet në Kosovë. Pra nuk kemi të bëjmë thjesht me një grup kriminal siç e tha ministri, por me një sulm të organzizuar dhe sponsorizuar nga Republika e Serbisë mbi institucionet e Kosovës. Deklaratat skandaloze të kryeministrit për KFOR. Do të ishte në nderin e Kuvendit të kishim këtë temë. Propozuam një rezolutë ta miratonim një orë e më parë. Do të doja ta dëgjoja mendimin e ministrit të Jashtem, duke dënuar të gjithë bashkë si deputetë shqiptarë sulmin e organizuar nga Serbia dhe çfarë masash ka marrë ministria e Jashtme dhe mbatjes përgjegjëse të Serbisë. Me keqardhje vërejta se ministri i Jashtëm lexoi statuset e kryeministrit 72 orët e fundit pa shprehur qëndrim.
