Ditën e sotme takimi i pasdites te ‘’Çadra e Lirisë’’ kishte si temë diskutimi ekonominë. Në takim ishin të përfshirë përfaqësues të bizneseve dhe forumeve ekonomike. Ndërkohë në fjalën e tij Lulzim Basha e ka vendosur theksin te gjobat që iu vendosen bizneseve.
‘’Republika e re do të vërë para ligjit të gjithë ju që terrorizoni shqiptarët. Republika e re po vjen, gjeni vrimën e miut ku të futeni. Nga i pari te i fundit do të përgjigjeni dhe askush nuk do të shpëtojë. Mos iu bindni urdhërave të paligjshëm.
Sipërmarrës të ndershëm rezistoni, rezistoni dhe regjistroni çdo emër të zuzarëve që vendosin gjoba. Do të përgjigjeni një për një para ligjit të Republikës së Re. arben Ahmetaj ka premtuar rritje deri në 10%. E vërtetë apo e gabuar? E vërtetë është.
A do rriten vërtet rrogat dhe fuqia blerëse e qytetarëve? Jo. Me rritje 10% nga rritjet në vite Rama u ka borxh shqiptarëve 11%. Pra jo vetëm që nuk ka rritje të fuqisë blerëse, po iu ka dhe borxh shqiptarëve. A mund të blejnë shqiptarët edhe me rrogat të rritura prag fushate, më shumë apo më pak?”, tha Basha. (E.K/SHUPLAKA)
